बाँके २३ - जिल्ला ट्राफिक प्रहरी कार्यालय बाँकेले दुर्घटना न्यूनीकरणका लागि सचेतना कार्यक्रमलाई निरन्तरता दिदै आएको छ।
ट्राफिक प्रहरी कार्यालय बाँके तथा मातहतका ट्राफिक प्रहरी पोष्टहरुले महेन्द्र राजामर्ग ,हुलाकी राजमार्ग, रत्न राजमार्ग, भित्री सडक खण्ड लगायतका स्थानहरुमा शनिबार पनि ट्राफिक सचेतना दिएको हो।
ट्राफिक प्रहरीले सवारी चालक, सहचालक, सवारी धनी ,साइकलयात्री, पैदलयात्री, लगायत स्थानीयवासीलाई भेला गराएर ट्राफिक सचेतना दिएको बाँके ट्राफिक प्रहरी कार्यालयका प्रमुख पुष्कर राज पन्तले जानकारी दिएका छन् ।
ट्राफिक प्रहरीले विशेष गरेर ट्राफिक नियम ,लेन अनुशासन ,ओभेरटेक गर्ने तरिका , सडक प्रयोग गर्दा ध्यान दिनुपर्ने कुरा, सवारी दुर्घटनाबाट बच्नेका उपाय बारेमा ट्राफिक सचेतना दिइरहेको प्रमुख पन्तले जानकारी दिएका छन् ।
यसैगरी निरन्तर रुपमा ट्राफिक प्रहरी कार्यालयले दुर्घटना न्यूनीकरणका लागि प्रयास गरेमा दुर्घटनाको संख्या कम हुनेछ ।