कंचनपुर ०२ असार - विशेषगरि भगवान शिवजीलाई जल चढाउने महिनाको रुपमा चिनिने साउन महिनामा महिलाहरुले हरियो चुरा, पोते र मेहन्दीहरु लगाएर सजिने गरेका छन् ।
साउन महिनामा हरियो चुरा, हरियो पोते, मेहन्दी र हरियो साडीहरु एकले अर्कालाई उपहार पनि दिने चलन रहेको छ ।
त्यस्तै कंचनपुरको बेदकोट नगरपालिका उपप्रमुख तुलसी जोशीले साउन महिनाको प्रथम सोमबारका दिन पालिकामा कार्यरत महिला कर्मचारीहरुलाई हरियो चुरा वितरण गरेकी छिन ।
नेपाली काँग्रेस बेदकोटनगरका युवा नेता पारसमणी जोशीले उप प्रमुख जोशीले पालिकामा कार्यरत महिला कर्मचारीसंग प्रेम र सुहागको प्रतिक हरियो चुरा प्रदान गर्दै महिला कर्मचारीहरुको उत्साहलाई बढाएको बताएका छन । उप प्रमुख जोशीले आफ्नै कार्यकक्षमा महिला कर्मचारीहरुलाइ हरियो चुरा वितरण गरिएको थियो ।