वीर अस्पतालका लेखा अधिकृत दाहाल घुससहित रंगेहात पक्राउ

शाख न्यूज    प्रकाशित: २०८२-६-२६ गते   १६८ पटक हेरिएको

काठमाडौं - चिकित्सा विज्ञान राष्ट्रिय प्रतिष्ठान अन्तर्गत वीर अस्पतालका लेखा अधिकृत ढुण्डी राज दाहाल अख्तियार दुरुपयोग अनुसन्धान आयोगको टोलीद्वारा रु. १ लाख २० हजार ८५० रुपैयाँ घुससहित रंगेहात पक्राउ परेका छन्।

आयोग, टंगालका अनुसार दाहालले विभिन्न सप्लायर्स कम्पनी र ठेकेदारहरूलाई भुक्तानी प्रक्रियामा अनावश्यक ढिलाइ गर्दै रिश्वत माग्ने गरेको सूचनाका आधारमा निगरानी गरिएको थियो। सोही आधारमा खटिएको टोलीले उनलाई वीर अस्पतालको कार्यकक्षमै घुस रकमसहित नियन्त्रणमा लिएको हो।

पक्राउ परेका दाहालसँग एक थान मोबाइल डिभाइस र विभिन्न कागजातहरू पनि बरामद गरिएको आयोगले जनाएको छ। सार्वजनिक सेवामा आसेपासे र ठेकेदारसँग घुस असुल्ने अभ्यास रोक्न अख्तियारले पछिल्लो समय स्वास्थ्य क्षेत्रमै निगरानी कडा पारेको बताएको छ।

दाहालविरुद्ध थप अनुसन्धान भइरहेको आयोगले जनाएको छ।

© Copyright 2020 Sakhanews. All rights reserved.
सस्तो नभई भरपर्दाे वेबसाईट बनाउन सम्पर्क : ९८०१०३५९०५
Design & Developed By : Journey For Tech